Këngëtarja e muzikës popullore, Irini Qirjako, ka folur së fundmi për jetën e saj personale ku ka rrëfyer për publikun dhe një histori të cilën nuk e kishte treguar më parë.
E ftuar në emisionin “Fol me mua”, këngëtarja ka rrëfyer se shumë vite më parë, gjatë periudhës së diktaturës atë kanë dashur ta rrëmbejnë për në Greqi, teksa i kanë ofruar dhe kushte shumë të mira për ta mbajtur atje. Këngëtarja tregoi se dhe ajo vetë nuk e ka ditur këtë histori pasi e ka marrë vesh së fundmi nëpërmjet një mikut të saj.
“Dilnim gati dy herë në vit jashtë shtetit edhe në kohën e diktaturës. Edhe po të më shkonte mendja unë kisha merakun e familjes, prandaj nuk doja të arratisesha. Më kanë thënë që Irini ty donin të të “rrëmbenin”. Ata kishin plan rrëmbimi për mirë në Greqi të më mbanin duke më ofruar kushte të mira, por kisha merakun e familjes. Tani ma tha këtë gjë një miku im para dy javësh në Sarandë”, tregoi ajo.
