Erald Qafa (Totilla) është emri i 41-vjeçarit, i cili u aksidentua për vdekje teksa po lëvizte me motor në zonën pranë TEG-ut në Tiranë.
41-vjeçari u përplas nga një betoniere dhe mbeti i plagosur rëndë. Edhe pse u transportua në spital ai nuk mundi dot t’i shpëtonte plagëve të marra, ku dhe ndërroi jetë.
Policia dhe grupi hetimor po vijojnë punën për zbardhjen e rrethanave të aksidentit.
Njoftimi i policisë:
Në lidhje me informacionin paraprak të dhënë pak më parë se në afërsi të TEG-ut, shtetasi E. T., 40 vjeç, duke drejtuar motomjetin e tij është përplasur me një mjet (betoniere) me drejtues shtetasin A. H., 41 vjeç, ju informojmë se:
Si pasojë shtetasi Erald Totilla, drejtuesi i motomjetit, ka ndërruar jetë në spital.
