Moderatorja Arbana Osmani ndihet e pikëlluar nga ndarja nga jeta e producentes dhe regjisores Vjosa Berisha, pas një beteje disamujore me kancerin e vezoreve.
Moderatorja shkroi në disa postime në rrjete sociale ku ndan disa foto të vjetra me regjisoren: “Sa më pikëllova o Vjosa. Sa shumë do na mungosh. Ah sa shumë.”
Arbana ka ndarë me ndjekësit në Instagram edhe bisedën e fundit me Vjosën.
“A sa keq. Inshalla bëhesh mirë, zemër.“- i shkruan Arbana teksa Vjosa ia kthen me shumë optimizëm se do e fitojë betejën me sëmundjen e rëndë, duke shkruar: “Po, moj zemër kalon, por e do kohën e vet. Ma ka ndërprerë edhe terapinë se pasi të kalojë kjo duhet të shkoj në Londër për rrezatim dhe chemo tjetër.” Arbana vazhdon bisedën duke e inkurajuar me fjalët: “Çdo gjë do jetë në rregull. Ti je më e forta.” “Të dua zemër. Kalofshi mirë në pushime“- shkruan Vjosa dhe Arbana e mbyll me: “Të dua edhe unë”.
Krahas fotos së bisedës Arbana shkruan: “Biseda jonë e fundit. Sa shumë shpresë që pate gjithmonë, o Vjosa”.
