Këngëtarja me origjinë shqiptare, Dua Lipa është paditur pasi ka postuar një foto të një paparaci në Instagram pa i marrë leje.
Sipas Billboard, kjo gjë ka ndodhur për herë të dytë brenda një viti, sipas dokumenteve gjyqësore të depozituara në Gjykatën e Qarkut të SHBA në Kaliforni.
Këtë herë, fotografi me qendër në Nju Jork, i quajtur Robert Barbera, po pretendon se këngëtarja ka shkelur të drejtat e autorit pasi postoi fotot që ai i bëri në korrik 2018 në platformën e mediave sociale.
“Pa leje ose autorizim nga paditësi, i pandehuri zgjodhi, kopjoi, ruajti dhe shfaqi vullnetarisht secilën nga fotografitë e mbrojtura nga e drejta e autorit të paditësit,” thuhet në ankesë, e shkruar nga avokati Craig Sanders .
