Ish ambasadori, Gëzim Podgorica ka qenë i ftuar në emisionin “Pushteti”, moderuar nga Juela Meçani në Fax News ku ka folur lidhur me takimin e dy qeverive shqiptare në Kosovë dhe marrëdhëniet Rama-Kurti.
Ai tha se nuk duhej që të kishte aq shumë marrëveshje të cilat mbeteshin në letër mes Kosovës dhe Shqipërisë. Ndërsa vlerësoi pozitivisht figurën e Kurtit dhe tha se çdo krisje e Ramës me të, tregonte se fshihej diçka tjetër pas kësaj marrëdhënie.
“Janë 127 marrëveshje mes dy vendeve të vogla me ekonomi shumë të brishtë. Kaq marrëveshje nuk i ka BE dhe
Këta e kanë kaluar edhe fazën folklorike, janë shfaqje që nuk zgjidhin asgjë dhe në njëfarë mënyre fyejnë inteligjencën e njerëzve. Nuk duhet të ketë gjithmonë shfaqje të kësaj natyr, le të ulen ministrat përkatës dhe të firmosin marrëveshjet lidhur me ekonominë apo fushat e caktuara.
Pastaj që vjen Kurti këtu dhe bën fushatë që nuk është etike, ashtu shkon edhe Rama tek ata biznesmenët e tjerë atje.
Krisja mes liderve shqiptarë, a e dobëson pozitën e Shqipërisë në Ballkan?
Shqipëria për të qenë e fortë duhet të kishte një kohezion politik dhe diplomatik me Kosovën. Bilanci i qeverisë Shqiptare nuk ka nxjerrë asnjë shifër sa i përket arritjes së njohjeve për Kosovën.
Nuk duhet sulmuar Albin Kurti, sepse kemi të bëjmë me një figurë positive që deri tani është i papërlyer. Ka një artikulim politik që i bën nder figurave shtetetërore shqiptare. Një luftë ndaj tij, tregon se ka dicka tjetër që përfshihet.”– u shpreh ish diplomati.
