Ish-ministri i Drejtësisë, Ylli Manjani ironizoi Drejtësinë e ashtuquajtur të Reformuar.
Gjatë tryezës së organizuar nga PD me lajtmotiv sfidat e sistemit gjyqësor në vend, Manjani tha se asnjë reformë dhe asnjë ligj nuk funksionon pa shtet.
Ai tha se mbështet një drejtësi si në Amerikë, por jo ligje bolshevike me fytyrë kineze që flasin anglisht.
“Ne kemi nevojë për shtet mbi politikën. Ndarja e pushteteve duhet të funksionojë kështu, është gjykata dhe pastaj të tjerat. Na duhet një gjykatës i përjetshëm që të vdesë aty në sallën e gjyqit. ‘Let’s go America’! Ta bëjmë si në Amerikë, patjetër, por jo ligje bolshevike me fytyrë kineze që flasin anglisht. Nuk ka kuptim, nuk shkon kjo!”, u shpreh Manjani.
