Policia greke ka zbuluar një skemë të mirfilltë piramidale, ndërsa arrestoi dy shqiptarë, nga 30 vjeç, dhe një grek 46 vjeç, që mendohet se drejtonin të gjithë aktivitetin kriminale.
46-vjeçari është një person i njohur në Heraklion, si nga çështje të ndryshme kriminale, ashtu edhe nga prania e tij gjatë jetës së natës dhe në palestra. Ndërsa dy shqiptarët nuk janë shumë të njohur për drejtësinë greke.
Sipas policisë greke, në dosje ka dëshmi të rënda të viktimave që kanë besuar te drejtuesit e organizatës dhe kanë pranuar të flasin.
Gjithashtu si pjesë e grupit kriminal u arrestuan edhe një 24 vjeçar dhe një 45 vjeçar, që mendohet se kryeninin pastrimin e parave.
Sipas raportimeve, mësohet se të përfshirët në aktivitetin kriminal i kishin zhvatur disa personave shuma të mëdha parash dhe më pas blinin makina luksoze si Porsche, Jaguar apo Epau.
“Çdo dëshmi është një histori e dhimbshme”, tha një oficer i policisë. Ata i zhvatnin njerëzit përmes një skeme huamarrjeje, gati në terma mafiozë dhe shkatërrues. Çdo rast ishte i ndryshëm, por në përgjithësi për një kredi prej 5000 euro, interesi mund të ishte deri në 2000 euro në muaj. Nëse kishte vonesa në pagesën e kamatës, kamata bëhej dyfish dhe trefish. Një shumë prej 5000 euro mund të shndërrohej në si formë për t’u shlyer deri 50.000 euro!
Sipas informacioneve, kishte edhe persona të cilët kishin probleme shëndetësore apo duhet të kryenin një operacion për veten ose fëmijët e tyre dhe kanë marrë hua me kamatë, duke “nënshkruar” dënimin e tyre.
Gjithashtu, ka pasur edhe persona të cilët për shkak të pandemisë, për të mos i vënë drynin bizneseve të tyre (kompani, dyqane, farmaci etj.) janë detyruar të merrnin hua nga banda e zhvatësve, për të shpëtuar biznesin e tyre dhe tani po mbyten nga laku i kamatës dhe i kërcënimeve.
