Dy muaj më pas nga raportit për situatën kadastrale në Qarkun e Durrësit, drejtori i Përgjithshëm i Kadastrës Artan Lame raportoi mbi gjendjen kadastrale në qarkun e Tiranës. Në një konferencë për mediat ai tha se në Tiranë situate nuk është katastrofike si në Durrës, ndërsa evidentoi problematikat e hasura.
Sipas tij, nga 2342 regjistra, rreth 2100 janë të dëmtuar me heqje, grisje dhe ndërrime faqesh, ndërsa 515 faqe mungojnë tërësisht. Po kështu 914 faqe rezultuan të dubluara, çka detyronte qytetarët të përfundonin në gjykata për zgjidhjen e pronësisë.
“Nga 2342 regjistra rreth 250 rezultojnë pa dëmtime rreth 2100 regjistra të dëmtuar me heqje grisje dhe ndërrime faqesh, 515 faqe mungojnë tërësisht, janë grisur dhe nuk i kanë zëvendësuar, i mbetet hetimeve të mirëfillta se çfarë ka luajtur në këto faqe. Janë me qindra faqe të dyshuara të zëvendësuara. Është e dukshme që faqja ndryshon se ndryshon ngjyra dhe formati i faqes. U gjetën 914 faqe të dubluara. Kjo është e trishtë së e njëjta pronë ekziston ën dy faqe kjo bëhej me qëllim që e njëjta pasuri t’i trajtohej dy qytetarëve të ndryshëm të cilët më pas përfundonin në dyert e gjykatave se kujt i takonte pasuria”, tha Lame.
Lame theksoi se një fenomen që në Tiranë ishte më i dukshëm ishte gjetja e 13 mijë faqeve bosh, ndërsa zonat më të prekura ishin ato në zhvillim rreth e qark Tiranës si Farka, Kashari, Yzberishti, Baldushku, Peza e Ndroqi e Mëzezi.
“Janë 180 faqe të grisura dhe fenomene që në Tiranë ishte më i madh se në Durrës, është i dukshëm është se ekzistojë 13 mijë faqe bosh. Është absurde të lësh Brenda regjistri faqe bosh qëllimi ka qenë për t’i plotësuar. Janë mijëra faqe pronash shtetërore që kanë përtuar t’i plotësojnë. Është një punë që duhet ribërë nga kadastra. Regjistra e dëmtuar më shumë janë ato të Farkës, Yzberishti, Kashari, Mëzezi, Baldushku, Ndroqi, Pezë Helmësi dhe Peza. Janë pronat rreth zonës së qytetit në të cilën bëhej gjithë mishmashi. Veçoj zonën e Kamzës dhe qytetit Vorë”, shtoi ai.
Përgjegjësinë ai ia faturoi çdo ministri Bujqësie, Drejtësie dhe kryeministri, si edhe çdo noteri e gjykate që ka bërë këtë, ndërsa shtoi se edhe ky raport do të përcillet për hetime sikurse ai i Durrësit. Sipas tij zgjidhja përfundimtare do të vijë me digjitalizimin dhe skanimin e të gjithë regjistrave pronësorë.
“Përgjegjësinë e ka çdo ministër i Bujqësisë, Drejtësisë kryeministër, çdo gjykatës e noter që ka bërë këtë mishmash në këto vite pastaj të shkosh te punonjës i arkivës që bënte pjesën e vet. Vlera e parë e këtij inventari vendos ditë zero nuk ka më rrëmujë tashmë arkivi është me sistem kamerash dhe alarmi. Edhe raporti i Tiranës do i përcillet ministrisë e kryeministrisë që çdo strukturë hetuese të fillojë hetimet. Për Durrësin janë hapur hetimet. Janë thirrur punonjësit tanë për të dhënë informacion mbi gjetjet e raportit dhe për të shmangur presionet e çdo banditi e qokaxhinjve. Zgjidhja përfundimtare do të vijë me digjitalizimin dhe skanimin e të gjithë regjistrave pronësorë”, shtoi.
