Një aksident ka ndodhur këtë të Premte në Vaun e Dejës, ku një person ka humbur jetën.
Policia sqaron se ngjarja ndodhi rreth orës 14:45, në fshatin Rranxa.
“Duke lëvizur me një mjet zetor, shtetasi E. Rr. 38 vjeç, banues në fshatin Rranza, ka humbur kontrollin e mjetit dhe për pasojë zetori është përmbysur. Si pasojë, shtetasi E.Rr ka ndërruar jetë rrugës për në Spitalin Rajonal Shkodër”, thuhet në njoftimin e bluve.
Grupi hetimor vijon punën për sqarimin e rrethanave të kësaj ngjarje, shtuan të njëjtat burime.
