Ish-ministri i Brendshëm, Flamur Noka po drejton operacionin e opozitës për instalimin e çadrave në sheshin para Kryeministrisë, ku po protestohet kundër qeverisë “Rama”, si të lidhur me krimin dhe korrupsionin në vend. Ai tha se opozita do të qëndrojë në shesh deri në rrëzimin e qeverisë dhe ngritjes së një qeverie teknike, për të garantuar zgjedhjet të lira dhe të ndershme.
“Do të qëndrojnë këtu derisa të rrëzohet kjo qeveri. Derisa të negociohet për të ngritur një qeveri teknike që të garantojë zgjedhje të lira dhe të ndershme. Zgidhje tjetër për to nuk ka”, tha Noka për mediat.
Noka tha se gjithçka është organizuar brenda ligjit. “Kur populli del në shesh nuk pyet për orare”, tha Noka.
Pyetje: A do ketë grevë urie?
Noka: Deri tani s’kemi asnjë vendim të tillë. Por do të qëndrojmë në shesh derisa t’i shporrim qelbërisat që drejtojnë këtë vend.
Ndërkohë në shesh është rikthyer edhe ish-kryeministri, Sali Berisha.
