Një aksident i rëndë ka ndodhur ditën e sotme në Gjirokastër. Mësohet se një kamion me drejtues 50-vjeçarin F. H ka humbur kontrollin dhe është përmbysur. Nga aksidenti ka mbetur i lënduar rëndë drejtuesi i mjetit, i cili është transferuar në Tiranë për të marrë ndihmë mjekësore.
Njoftimi i Policisë:
Gjirokastër/Informacion paraprak Sot, rreth orës 14:30, në rrugën rurale mbi fshatin Shtëpëz, Gjirokastër, automjeti tip kamion, me drejtues shtetasin F. H., 50 vjeç, banues në Mamurras, ka dalë nga rruga. Për pasojë është dëmtuar drejtuesi i mjetit, i cili po transportohet për në spital, për të marrë ndihmën mjekësore. Grupi hetimor po punon për zbardhjen e shkaqeve të aksidentit.
