Lideri i PD-së, Lulzim Basha zbuloi vendimin e opozitës, teksa mbajti fjalën në protestë para Kryeministrisë, nga ku kërkoi largimin e qeverisë “Rama”.
Basha tha se opozita dhe mbështetësit e saj do të qëndrojnë në shesh deri në largimin e qeverisë “Rama”, nëse nuk garantohen zgjedhje të lira dhe të ndershme më 18 qershor 2017.
“Jemi këtu për të marrë një vendim. Ose do të bëjmë zgjedhje të lira, ose zgjedhje nuk do të ketë. Rrugë të mesme nuk ka! Zgjedhjet për fasadë, të njollosura nuk do t’i pranojmë. Zgjedhjet jashtë standartit të Europës nuk do t’i pranojmë. Të kriminelëve të veshur me pushtet…që deformojnë vullnetin tuaj të qytetarëve nuk do të ketë më në Shqipëri…Sot do të marrim një vendim të madh dhe ky vendim sot është në dorën tuaj”.
“Marrim sot vendimin për të bërë realitet ëndrrat tona. Për t’u ngritur bashkë. Për të caktuar vetë për të caktuar vetë fatin e fëmijëve tanë…Vendimi jonë i madh është se unë do të qëndroj unë këtu…po ju a do qëndroni? Do qëndrojmë të gjithë këtu në shesh për të garantuar zgjedhje të lira dhe të ndershme”, tha Basha, teksa protestuesit e miratuan me ovacione.
Me mijëra shqiptarë nga anë e kënd vendit i janë bashkuar protestës së sotme së opozitës së bashkua dhe kërkojnë largimin e Ramës, të cilin e akuzojnë për korrupsion dhe lidhje me krimin.
https://www.youtube.com/watch?v=gosRymIaP2g
