Pak minuta para se akrepat e orës të shënojnë orën 12:oo të mesditës nisi zyrtarisht protesta e opozitës së bashkuar kundër qeverisë së krimit dhe korrupsionit.
Kreu i PD-së Lulzim Basha, i shoqëruar nga ish-kryeministri Sali Berisha dhe mijëra protestues u ndodhen në sheshin përballë Kryeministrisë. Ku po mbahen fjalime nga qytetarë, inteluaktualë dhe artistë të cilët kërkojnë largimin e kësaj qeverie, pasi sipas tyre qeveria i ka braktisur.
Protestuesit akuzojnë qeverinë se është përgjegjëse për korrupsionin, drogën dhe krimin që sipas tyre ka kapluar vendin tonë.
Brunilda Mikaili, një ish-rrobaqepëse, doli në foltoren e protestës së PD-së para Kryeministrisë bashkë me dy fëmijët e saj të mitur:
“Unë jam viktima e parë e Rilindjes! Tre muaj pas ardhjes në pushtet, m’u desh ta mbyllja dyqanin, se më mbytën me taksat e larta,” dhe me këto fjalë, Brunilda e emocionuar mori mbështetjen e mijëra protestuesve për të vazhduar më tej.
Kurse një vajzë e re nga shtresa e ish-të përndjekurve e ka marrë fjalën në protestë duke iu drejtuar Kryeministrit Edi Rama me fjalët “I çnderuar zoti Kryeministër!
“Ne jemi nga ata që na njihnin me emrin e shëmtuar kulakë. Pas rënies së sistemit mundëm të merrnim vetëm një pjesë të pronave tona.
I çnderuar zoti Kryeministër! Çfarë interesi ke ti për të na treguar neve Bunk’Art. Mjetet e torturës?! 5 milionën euro nga vuajtjet tona ti i ke kthyer ato në biznes. Ti je “Njeriu që qesh”. Çfarë di ti të tregosh për diktaturën më të egër të bllokut komunist, që e shihje nga dritaret e Bllokut?!
Ne jemi ende të prangosur sot nga pamundësia e të qenit të barabartë. I çnderuar zoti Kryeministër, hiqe maskën!”, tha ajo.
Mijëra protestues mbajnë në duar dordolecë me imazhet e Ramës, Tahirit dhe Beqjes dhe kërkojnë largimin e kryeministrit me thirrje: “Rama ik! Rama ik!”.
Ndiqeni live në BoldNews protestën:
https://www.youtube.com/watch?v=gosRymIaP2g
