Stafi i kryeministrit Edi Rama ka vendosur një rrjet kamerash të posaçme për të siguruar ndjekjen nga distanca të protestës së opozitës.
Përveç ndjekjes së transmetimeve live nga pothuajse të gjitha kanalet tv kombëtare, kryeministri ka siguruar edhe një akses privat dhe të personalizuar, raporton 360 grade.al.
Sipas raportimit burimet janë kontradiktore në lidhje me të vërtetën e pranisë së kryeministrit në Tiranë ose jo, në territorin e Shqipërisë ose jashtë saj. Pamvarsisht masave të jashtëzakonshme të organizimit policor, dihet me siguri se një numër i lartë i deputetëve të shumicës janë ose jashtë Tirane ose jashtë Shqipërisë.
Të njëjtën skemë kanë ndjekur edhe shumë drejtorë të administratës së kryeministrisë dhe ministrive kryesore. Burimet përputhen në informacionet që japin se kryeministri nuk do të jetë në zyrë në orën 12.00.
Por burimet ndahen në versionet e tyre: një palë burime flasin për “vendstrehime të sigurta” në rrethinat e Tiranës dhe me shumë mundësi në Malin e Dajtit, kurse një burim tjetër flet për eskortën kryeministrore që ka kaluar kufirin në rrugën drejt Selanikut, raporton 360 grade.
