Ëngjëll Hoti la Tiranën pak ditë më parë, teksa u prezantua sot si lojtari më i ri i Partizanit. Kosovari tregon në rrjetet sociale se është gati, ndërsa tërheq vëmendjen një koment i Michale Ngoo.
Anglezi është në fundin e kontratës me Tiranën, teksa nuk ka një njoftim për rinovim mes palëve. Largimin nga bardheblutë duket sikur e “konfirmon” vetë Ngoo, që lë hapësira për një kalim te Partizani.
Një koment i tij për Hotin ka bërë lëmsh merkaton, teksa Ngoo mund të jetë lojtari i ri i Demave në sulm. “Shokë skuadre sërish vëlla?”, shkruan Ngoo në postimin e Hotit me fanellën e kuqe.
