Gjendja ku ndodhet sistemi shëndetësor shqiptar ishte në qendrën e një tryeze ku mori pjesë edhe kreu demokrat Sali Berisha, deputetë të PD, si dhe profesorë dhe doktorë të shëndetësisë.
Mjeku Alban Haxhi, i cili moderon takimin, vuri theksin në largimin e bluzave të bardha nga Shqipëria, ndërsa e konsideroi si alarmante gjendjen. Ai shprehu besimin se me tryeza dhe aksione të tilla, si ky takim që zhvillohet, jo vetëm do të evidentohen problemet, por edhe duhet paraqitur platforma për nxjerrjen e tij nga situata ku ndodhet.
Deputeti Tritan Shehu vuri theksin në goditjen e mjekëve, të cilët po terrorizohen, pasi njerëzit më të lirë. “Po i godasin me egërsi për ti larguar nga njerëzit dhe problemet e njerëzve, pasi janë qytetarët më të lirë”, tha Shehu. Sipas tij, korrupsioni qeveritar dhe shtetëror po mbulohet me goditjet e egra, me arrestime dhe hetime ndaj mjekëve, a thua se ata janë pëërgjegjësit kryesorë të gjithçkaje që ndodh këtu.
Shehu vuri theksin në humbjen e jetëve njerëzore gjatë pandemisë, ndërsa shtoi se janë 50 mjekë që sot nuk jetojnë sot, pasi ata u lanë në mëshirën e fatit përballë pandemisë
Mjeku Admir Nake tha se ne jemi oksigjeni i shoqërisë. “Nëse ju shikoni një mjek që largohet, dijeni se ai ka marrë me vete edhe shpresën e shqiptarëve”, tha Nake.
Ai u shpreh se është e pafalshme që mjekja masive e mjekëve nga Shqipëria konsiderohet si natyrale. “Nëse mjeku ikën, ikën oksigjeni, dhe nëse oksigjeni bie ju e dini se çfarë ndodh”, tha ai. Nake shtoi se një nga arsyet pse mjekët po ikin janë pagat e tyre, por jo vetëm. “Shëndetësia dhe arsimi duhet të konsideron si prioritet kombëtar”, tha ai.
