Dhomat e Avokatisë në Korçë, Kurbin dhe Fier reaguan këtë të hënë në lidhje me vendimin e Ministrisë së Drejtësisë dhe Këshillit të Lartë Gjyqësor për hartën e re gjyqësore në vend.
Ermal Ahmataj, kreu i dhomës së avokatisë në Fier, u shpreh se nëse avokatët dhe qytetarët do të preken direkt nga reduktimi i numrit të gjykatave administrative dhe të aeplit në vend.
Sipas tij, reduktimi i gjykatave do të rrisë kostot për shërbimet në drejtësi për qytetarët por dhe avokatët.
Avokatët në Kurbin e cilësuan abuziv vendimin e KLGJ-s, e cila parashikon shkrirjen e gjykatës së këtij rrethi me atë të Lezhës.
Sipas avokatëve, ky vendim prek direkt interesin publik.
Edhe kreu i Dhomës së Avokatisë Korçë, Arben Lena, u shpreh se harta e re gjyqësore do të penalizojë qytetarët, duke rritur kostot për ta.
