Një aksident ka ndodhur mbrëmjen e sotme në Vlorë, ku për pasojë është plagosur një shtetas i mitur rreth 10-vjeç.
Ashtu siç raporton policia, në fshatin Panaja, Vlorë, automjeti tip “Fiat”, ka aksidentuar fëmijën dhe është larguar nga vendi i ngjarjes. I mituri ndodhet në spitalin e Vlorës, nën kujdesin e mjekëve.
Vlorë/Informacion paraprak
Më datë 12.06.2022, rreth orës 20:00, në fshatin Panaja, Vlorë, automjeti tip “Fiat”, ka aksidentuar një shtetas të mitur rreth 10 vjeç dhe është larguar.
Si pasojë ka mbetur i dëmtuar shtetasi i mitur, i cili ndodhet në spitalin e Vlorës, nën kujdesin e mjekëve.
Grupi hetimor ndodhet në vendngjarje dhe po punon për identifikimin e autorit dhe zbardhjen e rrethanave të aksidentit.
