Shqipëria dhe Kosova do të përfaqësohen në “Miss Universe 2022” nga Deta Kokomani dhe Roksana Ibrahimi. Dy vajzat arritën të fitonin kurorën mes shumë konkurrenteve që morën pjesë këtë vit në “Miss Universe Albania” dhe “Miss Universe Kosovo”.
Deta Kokomani është 21 vjeçe, nga Durrësi, studente e vitit të tretë në degën e Farmacisë, gjithashtu e certifikuar në kozmetologji. Ka studiuar piano rreth 6 vite në Liceun artistik të Durrësit, një pasion të cilin e ushtron ende në kohën e lirë.
Roksana Ibrahimi është 21 vjeçe, jeton në Prishtinë. Është dentiste, por i pëlqen shumë dhe modelingu. E filloi karrierën si modele në 2016.
