Presidenti Ilir Meta komentoi kërkesën e kryeministrit Edi Rama për SPAK që të hetojë kreun e shtetit.
Meta tha në Open në News 24 se Rama përpiqet të fshehë mullarët e vet të korrupsionit duke gërmuar 20 vite përpara.
“Këta persona me faktet që ka nxjerrë edhe presidenti i republikës në studio duhet të ishin ndaluar me ato fakte që prpara zgjedhjeve. Faktet kanë qenë aty. Atje duhet të ishin para zgjedhjeve të të mos deformohej procesi zgjedhor.
Këto duken si lëvizje. Është një grup i strukturuar kriminal në aferën e inceneratorëve. Kemi të bëjmë me një përpjekje për të krijuar iluzion. Vlerësim të mirë të sistemit të demokracisë e tregon niveli i korrupsionit. Të gjitha faktet tregojnë se ndihen të kapur nga SPAK.
Rama thotë mos shikoni mullarët e mi të korrupsionit po shikoni çfarë ka bërë njëri dhe tjetri para 20 vitesh sepse vazhdon të jetë një funksion të një projekti tërësisht të… Kur drejtësia përdoret politikisht nuk është se nuk i kemi provuar. Kemi pasur rastin e Fatos dhe raste të tjera. Kur janë raste të padrejta të kthehen në boomerang. 25 prilli i përmbysi planet e mia.
Një largim do na vinte në siklete të mëdha sepse do dëgjonim lavdërime nga maxhoranca. Pa dyshim që do konsiderohej si braktisje ndaj qytetarëve shqiptarë. Duhet të rivendosim gjithçka në themele për gjeneratat që do të vijnë. Kemi detyrim ndaj popullit shqiptar”, tha Meta.
