“Beteja ime është shumë e qartë: Shqipërinë t´ua kthejmë shqiptarëve”, u shpreh Presidenti Ilir Meta në emisionin “Open”. Ai tha se kjo ide do të mbështetet nga shumica e shqiptarëve, përfshi edhe socialistët, të cilët nuk e durojnë dot më këtë situatë ku as dëgjohen dhe as pyeten.
“Janë 3-4 njerëz që vendosin gjithçka. Janë oligarkët që kanë në dorë gjithçka”, tha Meta, i cili tha se i gjithë sistemi është përmbysur.
Presidenti theksoi se janë nëpërkëmbur qytetarët, ndërkohë që milionat kanë shkuar te koncensionarët dhe oligarkët.
“Mendoj se sot s´ka shqiptar që nuk bashkohet me idenë time që Shqipërinë tia kthejmë shqiptarëve. Do të vendosim referendumet, ky është një proces. Mendoj se Edi Rama është i përjashtuar nga gjithë ky proces i madh që do e kthejë Shqipërinë në një Zvicër me det”, tha Meta.
