Presidenti i zgjedhur i Shqipërisë, Bajram Begaj zhvillon sot takime me paraardhësit e tij. Mësohet si Begaj do të takohet me ish–presidentët Alfred Moisiu, Bamir Topai dhe Rexhep Meidani.
Pak dite me parë, Begaj u takua me ish-presidentin Alfred Moisiu dhe ky i fundit i tregoi mbi përvojën e tij gjatë pesë viteve në Presidencë dhe i dha librin që flet mbi atë periudhë kohe “Midis Nanos dhe Berishës”.
Biseda miqësore mes tyre zgjati rreth 1 ore e 30 minuta. Të dy kanë njohje të vjetër pasi vijnë nga i njëjti profesion, ai i ushtarakut.
Begaj u zgjodh të shtunën president i Shqipërisë me 78 vota të deputetëve të Kuvendit.
Kandidatura e Begajt u mbështet nga Partia Socialiste dhe kryeministri Edi Rama, i cili e propozoi për president pas dështimit për të zgjedhur president konsensual me Partinë Demokratike në opozitë.
