Jorgo Pëllumbi luajti gjashtë muajt e fundit në huazim te Kukësi. Mbrojtësi i Kombëtares U-21 të Shqipërisë është në pronësinë e Varazdin në Kroaci, ndërsa do kthehet në ekipin mëmë.
Për korçarin ka pasur interes sërish nga Kukësi dhe Tirana, për ta pasur në Superligë sezonin që vjen. MCN bën me dije se Pëllumbi është kontaktuar nga drejtori i kampionëve të Tiranës, Tefik Osmani.
Megjithë këmbënguljen e dy skuadrave, Pëllumbi ka vendosur të rikthehet në Kroaci, duke refuzuar dy ofertat në drejtim të tij.
