Sekretari i Përgjithshëm i PD, Flamur Noka, u shpreh në emisionin “Të Paekspozuarit” se tashmë PD është e bashkuar në bazë, por një grup i vogël me në krye Enkelejd Alibeajn, Jorida Tabakun dhe Gazment Bardhin po mundohen të mbajnë peng misionin e PD në përballjen me regjimin e Edi Ramës.
Noka tha se me zgjedhjen e strukturave të PD nuk do të thotë se ka përfunduar procesi i bashkimit, duke shtuar se Alibeaj është kryetar i emëruar nga Gazment Bardhit dhe nuk ka asnjë funksion tjetër.
“Në ditët në vazhdim do të zgjedhim Kryetarin e Grupit Parlamentar të PD”, tha Noka.
Sipas tij, procesi i riorganizimit dhe rithemelimit do të vijojë, me takime me grupet e interesit, me intelektualë, me shoqërinë civile.
“Të ashtëquajturit borde ende nuk janë caktuar, do të afrohen të rinjtë”, tha Noka.
