Deputeti socialist Arben Pëllumbi i ftuar në “Log.” në Abc ka folur për procesin e zgjedhjes së Presidentit, ku tashmë jemi në raundin e katërt, i cili do të zhvillohet ditën e shtunë.
I pyetur se a ka më kohë në raundin e katërt për një president konsensual, Pëllumbi tha se në radhë të parë zgjedhja e kreut të shtetit duhet të jetë Kushtetuese.
Sipas tij, çfarë do gjëje që të mund të bënte mazhoranca, në situatën që ndodhetb opozita nuk do të kishte asnjë mundësi tjetër.
“Në gjithë këtë periudhë është diskutuar dhe folur për Presidentin e Republikës si një proces Kushtetues dhe si një proces në bazë të një eksperience që na vjen. Duhet të kemi parasysh që ka ndryshuar situata ku presioni 84 vota ishte detyrim i caktuar, në fund fare është rruga që e zgjidh çështjen. Në këtë aspekt nuk jemi më as në 2002 as në 2007-n, në këtë aspekt të gjitha palët janë më të relaksuara. Procesi është Kushtetues dhe duhet zhvilluar brenda Parlamentit. Unë mendoj se forcat politike të gjejnë disa emra t’i mbështesin me 20 vota dhe më pas t’i sjellin në Kuvend”, tha ai.
