Vllaznia është fituesja e Kupës së Shqipërisë për vitin 2022. Mirel Josa mposhti kështu në finale ish-skuadrën e tij vetëm pas 120 minutash lojë me ndeshjen që u mbyll me shifrat 2-1.
Menjëherë pas ndeshje tekniku i shkodranëve ishte shumë i lumtur që iu dhuroi kuqebluve trofeun e 8-të të Kupës së Shqipërisë, ndërsa theksoi se ky ishte objektivi i skuadrës.
“Momentin e vërshëllimës klubi arriti objektivat, pas oshilacioneve që kishte, emocioni më i madh që u arrit objektivi i Kupës dhe ekonomik. Më kanë shkarkuar 2 herë në gjysmëfinale dhe doja ta fitoja.
I ndryshova mënyrën e lojës dhe vendosjes dhe njëfarë dëshire sepse i pashë pak poshtë lojtarët dhe them se zgjidhjet nuk ishin ato që kërkoja sepse duhet kohë të sistemosh model loje të tillë dhe lojtarët duan kohë. Ja dedikoj të gjithëve në klub, duke filluar nga puntori, pastaj sidomos presidencës dhe lojtarëve. Nga momenti që u shkarkova nga Laçi në gjysmëfinale të kupës, vetes ja kisha dhënë si objektiv këtë fitore.
Kam qenë dhe para kësaj kupe më i titulluari nga trajnerët. Shumë njerëz kanë qenë skeptik. Klubi duhet të shtojë investimin që të arrijmë dhe më shumë. Do isha i paqartë nëse do filloja të mendoja për merkaton pa fituar kupën. Çdo objektiv ka kërkesat, kështu që presim.
Mund të kem shumë objektiva si Mirel, përsa i përket lojtarëve, por të gjitha gjërat do bëhen në bashkëpunim me stafin drejtues. Do ja dedikoj këtë trofe tifozëve sepse nuk e keni idenë sa i emocionuar jam ndjerë në Shkodër kur shkova me këtë gjendje të ekipit”, ka deklaruar Josa.
