Deputeti i Partisë Demokratike Xhelal Mziu, në një interviste për Ora News, tha se koha do ti damkosë të gjithë ata persona të cilët e pengojnë bashkimin e PD dhe që nuk e konsiderojnë kauzë bashkimin e demokratëve, por jo vetëm të demokratëve për ta ta rrëzuar këtë qeveri.
“Dhe kjo qeveri rrëzohet vetëm me votë, rrëzohet vetëm me betejë, vetëm me shpalosje platforme, rrëzohet vetëm me bashkim dhe kemi mjaftueshëm kohë që të realizojmë dhe për zgjedhjet vendore të 2023. Dhe nëse ne nuk e bëjmë këtë do të thotë se ne i lëmë korsinë hapur kësaj qeverie që të jetë në avantazh zgjdhjet e ardhshme”, tha ai.
I pyetur se si mund të përfaqësohet opozita në zgjedhjet e ardhshme vendore, Mziu tha se në këtë situatë që ne jemi sot vetëm kë gënjen mendja sepse ne nuk mund të marrim më shumë sesa 10 % të bashkive të cilat kemi aktualisht sot.
