Neritan Sejamini ka qenë i ftuar në emisionin “Të Paekspozuarit” në MCN TV, ku u diskutua për median shqiptare dhe publikimin e një video private të një gruaje në Librazhd, ku asaj iu shkel privatësia dhe u linçua në mënyrë të paprecedent.
Sejamini tha se publikimi i videos nga mediat ishte jo vetëm skandaloz, por edhe vepër penale, sepse është cënuar privatësia.
“Mediat duhet ti shërbejnë interesit publik dhe publikohen detajet vetëm kur ka interes publik.
Këto që janë publikuar nuk kanë asnjë interes publik, janë totalisht njerëz anonimë. Është skandaloze. Ne merremi me njerëz që nuk i dimë as emrin, ngjarje totalisht private.
Nuk ka asnjë interes publik.
Është varëfëria jonë si shoqëri. Shoqëri ku mungon arti, kultura, interesat, hobit. Por edhe varfëria e medias ku tërhiqen nga sensacioni dhe kanë harruar t’i shërbejnë interesit publik. E dëmtojnë interesin publik, në aspektin etik, moral, estetik. Varfëri e medias dhe varfëri e të gjithë shqitparëve. Po i shkatërrohet jeta një gruaje
Kam përshtypjen se janë shkelur të drejtat e këtij personi dhe se mund të jenë konsumuar vepra penale nga media”, tha Sejamini.
