Analisti Agim Baçi i është drejtuar deputetit demokrat Edi Paloka, në lidhje me akuzat se ish-kryedemokrati Lulzim Basha ka bërë pazare me kryeministrin Edi Rama.
Në emisionin “Now” në “Euronews Albania”, Baçi u shpreh se Paloka ka qenë numri dy i PD-së dhe se është e pamundur që mos ta kishte vënë re diçka të tillë.
Sipas Baçit, ose Paloka nuk ka parë ndonjë “flirt” mes Bashës dhe Ramës, ose e ka ditur dhe nuk ka preferuar të flasë.
“Ka akuza që është bërë flirt. Paloka ka qenë nënkryetar i Partisë Demokratike. Ka qenë Kryetar i Këshillit, nuk e besoj se i ka shpëtuar të gjitha flirtet që paska bërë Basha dhe Rama. E njoh Palokën, ka qenë Nuknumri dy i PD-së, nënkryetar Kuvendi? Ku i kanë shpëtuar të gjitha flirtet? Ose ke heshtur ose ke rënë dakord me të.Nuk mund të të shpëtojnë të gjitha këto marrëveshje kur ke qenë numri dy i PD-së”, tha Baçi.
Ndërsa, deputeti Paloka deklaroi se e kuptoi faktin se Basha bashkëpunonte me Ramën, pas 9 shtatorit, ku ish-kreu i PD-së përjashtoi nga partia ish-kryeministrin Sali Berisha.
“E kam kundërshtuar Bashën në takime kokë më kokë. Përderisa publikisht aktet e tij i kam mbrojtur atë kohë, nuk i hedh as sot. Vazhdimësia më bëri edhe mua ta mendoj se ai zotëria nuk është vetëm i paaftë. Kur Berisdha i thoshte peng, unë kam komuinkuar me të dhe i kam thënë a e sheh se ku po e çon PD-në. Aktet ndodhën pas 9 shtatorit”, u shpreh Paloka.
