Dy persona kanë mbetur të plagosur këtë të Premte në Fier në një aksident rrugor.
Policia bëri me dije se rreth orës 12:30, në aksin rrugor Fier-Seman, shtetasi I.T., duke drejtuar automjetin tip “Benz” karroceri, është përplasur me automjetin tip “Benz” me drejtues shtetasin F K.
Për pasojë janë dëmtuar dy drejtuesit e mjeteve, të cilët ndodhen në spital nën kujdesin e mjekëve, jashtë rrezikut për jetën, shtuan të njëjtat burime.
Grupi hetimor po punon për zbardhjen e shkakut të aksidentit.
