Superfansi i Kombëtares së Shqipërisë Ballist Morina, që mbahet mend për lëshimin e dronit në mes të stadiumit të Beogradit, është arrestuar paraditen e kësaj të mërkure në Kukës.
Ismail Morina është vënë në pranga, pasi ekzistonte urdhër-arrest për të.
Morina mësohet se është dënuar nga gjykata në Durrës me 5 muaj e 12 ditë burg për akuzën e armëmbajtjes pa leje.
Ai është arrestuar sot pranë Drejtorisë Vendore të Policisë së Kukësit.
Ballisti kishte thënë se e mbante armën me vete, për shkak se ndihej i kërcënuar nga qarqet serbe.
