Ish-kryeministri Sali Berisha e cilësoi korruptiv projektligjin e Ministrisë së Kulturës për menaxhimin e parkut të Butrintit që është parashikuar të votohet këtë të Hënë në parlament.
Në një prononcim për gazetarët para se të futej në parlament, Berisha tha se mbrojtja e Butrintit shtë imperativ për çdo shqiptar.
“Shpërdorimi më i madh që i bëhet pasurisë kombëtare vlerave të mëdha historike, kulturore, biodiversitetit të jashtëzakonshëm të asaj zone, shtratit nënujor i pasur me gjetje arkeologjike nga më të çmuarat. Pra mbrojtja e Butrintit është imperativ për çdo shqiptar, e garantoj Edi Ramën se s’do mundet të sillet me në Butrint si të ishte plaçkë e Kolekaljve apo baballarëve të tij. Ajo është pronë e shqiptarëve, një nga pasuritë më të çmuara të shqiptarëve. Ata që kanë parashikuar shpërbërjen e parkut dhe kanë përdorur një plan kanë parashtruar programin e një akti korruptiv të pashembullt”, tha Berisha.
Jashtë Kuvendit po zhvillohet një protestë kundër projektit të qeverisë që parashikon menaxhimin e parkut të Butrintit në bashkëpunim me Fondin Shqiptaro-Amerikan të Sipërmarrjeve, e cilësuar gjegjësisht një formë koncesioni.
