Lija e majmunit, bota në alarm

Lija e Majmunit, kjo është sëmundja misterioze infektive që po tremb botën. Ky virus ekziston intensivish në vendet e Afrikës Perëndimore, por që nga fillimi i muajit maj është parë dhe në kontinente të ndryshme.

Ndaj dhe është e pamundur që mos të pyesim  dhe  të merakosemi se mos jemi përballë një  tjetre epidemie globale.

Në Shqëri zyrtarisht nuk raportohet asnjë rast I infektuar nga “lijën e majmunit”

Çfarë është kjo sëmundje dhe si mund të mbrohemi?
Lija e majmunit është një sëmundje tropikale që u shfaq për herë të parë ne pyjet  tropikale të Afrikes Qëndrore dhe Perëndimore.

Sëmundja u zbulua në vitin 1958, ndërsa rasti i parë i lisë së majmunit tek një njeri u regjistrua në vitin 1970 në Republikën Demokratike të Kongos. Edhe pse kohët e fundit ka pasur një rritje të numrit të rasteve, virusi zakonisht është shumë i rrallë.

Simptomat e para të lisë së majmunit janë ethe, dhimbje koke, dhimbje muskujsh, dhimbje shpine, ënjtje të nyjeve limfatike, të dridhura dhe lodhje.  Përveç kësaj, në fazat e  avancuara të sëmundjes, në disa raste haset edhe “skuqja e lëkurës”. Por mos harrojme se “periudha e inkubacionit” të sëmundjes varion ndërmjet 6-13 ditë.

Përveçse nga kontakti me kafshë të infektuar kjo sëmundje mund të  hyjë ne trup përmes lëkurës  së  thyer , traktit respirator, ose përmes syve hundës apo dhe gojës.

Nuk ka një trajtim  efikas për linë e majmunëve ndaj dhe metoda më efektive është  parandalimi i përhapjes së infeksionit.

Nuk ka asnjë vaksinë efektive posaçërisht  kundër lisë së majmunëve por është vërtetuar se vaksinimi  kundër lisë është 85% efektiv në parandalimin e lisë së majmunëve.

Përveç kësaj, mund të përdoren edhe disa barna antivirale, edhe nëse nuk ofrojnë një trajtim përfundimtar. Infeksioni zakonisht largohet vetë dhe zgjat nga 14 deri në 21 ditë.

Pas shtimit të rasteve në vende të ndryshme është vënë në lëvizja dhe Organizata e Kombeve të Bashkuara e cila ka nisur punën për udhëzime të reja  në  lidhje me këtë sëmundje.