Kryeministri Edi Rama nuk ndryshon qëndrim për ndarjen nga Maqedonia e Veriut nëse negociatat me BE nuk hapen as këtë Qershor.
Kreu i qeverisë zhvilloi një takim këtë të Premte Presidentin e Këshillit Europian, Charles Michel. Pas takimit, u mbajt një konferencë për mediat, në ambientet e kryeministrisë.
Të dy thanë se shpresojnë që Bullgaria të heqë veton ndaj Maqedonisë së Veriut, në mënyrë që të çelen negociatat si për këtë shtet, ashtu edhe për Shqipërinë.
“E kamë thënë, ia thashë dhe presidentit, janë absolutisht një me KIE dhe deri në fund kur të kryhet edhe mbledhja kur të mbyllet presidenca franceze shpresojmë që Bullgaria të hapë rrugë dhe të dyja vendet të hapen negociatat”, u shpreh Rama.
“Në rast të kundërt, do kërkojmë të ndahet nga Maqedonia e Veriut çështja e Shqipërisë, më saktë të shkëputet nga kthetrat e Bullgarisë”, shtoi ai.
Michel i pyetur pse nuk ndahen Shqipëria dhe Maqedoni në procesin e integrimit kur pengojnë njëra-tjetrën, tha se BE po punohet për të zgjidhur problematika të tilla dhe se kjo çështje do të shikohet në takimin e qershorit.
“Kur kjo ndarje u urua në drejtimin e anasjelltë, për Shqipërinë, sigurisht që ka padurim nga Shqipëria që të kalohet kjo situatë. Unë jam partner për të zgjidhur vështirësitë që kemi pasur. Ne do të kemi një mbledhje të presidencës franceze për të zgjidhur këtë situata dhe do ta vlerësojmë në qershor. Nëse kjo nuk ndodh atëherë duhet ta shohim situatën. Pozita e kryeministrit është e përligjur në këtë aspektet”, tha ai.
