Deputeti Agron Gjekmarkaj u shpreh në emisionin “Top Story” se nuk kemi asnjë proces për zgjedhjen e Presidentit dhe nuk di se çfarë emri mund ti ve kësaj që po ndodh me zgjedhjen e institucionit më të lartë në vend.
“Më vjen keq që disa deputetë paskan nga dy kandidatë për President në xhep, njëri nxjerr emrin e komshiut, tjetri të burrit të hallës, dhe e kanë kthyer në një proces qokash”, tha Gjekmarkaj.
Ai shtoi se opozita duhej të ishte treguar serioze dhe të nxirrte një emër, t´ja çonte në tavolinë mazhorancës dhe ti thoshte ky është kandidati ynë, pastaj ishte në vullnetin e Qeverisë për ta pranuar ose jo.
“Duhej të ishim treguar shumë më serioz, më të bashkuar dhe Qeveria duhej të kishte vullnet dhe të thoshte që Presidentin e zgjedh opozita”, tha Gjekmarkaj.
