Ish-sekretari amerikan i Shtetit Mike Pompeo gjatë vizitës së tij në Tiranë, është nderuar me titullin “Doktor Honoris Causa” nga Universiteti i Tiranës.
Për këtë, është zhvilluar edhe një ceremoni. Ky aktivitet është zhvilluar nga ana e Ministrisë së Arsimit.
Ministrja Evis Kushi ka qenë e pranishme në këtë aktivitet. Në takim ishin edhe Enkelejd Alibeaj, Jorida Tabaku, Dhurata Çupi etj.
Kush është Mike Pompeo
Emërimi i Mike Pompeo në mars 2018 si Sekretari i ri amerikan i Shtetit përflitej prej kohësh, pasi drejtori i CIA-s është konsideruar gjithnjë, si një nga njerëzit më besnikë të Presidentit amerikan Trump. Presidenti amerikan, Donald Trump, zyrtarizoi zëvendësimin e Rex Tillerson në postin e Sekretarit të Shtetit, me drejtorin e CIA-s Majk Pompeo.
Emërimi i Pompeut u bë një moment shumë të rëndësishëm për sigurinë kombëtare amerikane, në kuadër të negociatave me Korenë e Veriut. Presidenti Trump tha se e kishte marrë personalisht këtë vendim i bindur se drejtori i CIA-s do të kryente një punë fantastike në detyrën e tij të re.
Majk Pompeo u diplomua si i pari i klasës së tij në Uest Point dhe ka kryer shërbimin ushtarak, ndërsa më pas u diplomua me notat maksimale në Harvard për drejtësi. Mike Pompeo ka qenë anëtar i Kongresit në radhët e republikanëve duke qenë pjesë e radhëve më të ashpra para se Presidenti Donald Trump ta emëronte drejtor të CIA-s dhe më pas Sekretar amerikan të Shtetit.
Prej kohësh Pompeo konsiderohej si një nga njerëzit më besnikë të Tramp dhe atij i janë dhënë meritat për gjetjen e një ekuilibri të ri në CIA-s në menaxhimin e marrëdhënieve mes agjencisë së spiunazhit dhe Presidentit amerikan, i cili krahasonte shërbimet amerikane të inteligjencës me nazistët.
Pompeo konsiderohej më agresiv ndaj Kremlinit në krahasim me kreun e Shtëpisë së Bardhë dhe në të kaluarën e ka cilësuar Presidentin Putin si një lider të rrezikshëm.
