Ish-Kryeministri Sali Berisha zhvilloi sot takime me demokratët në Lezhë e Shkodër, në kuadrin e fushatës për zgjedhjen e kreut të PD, proces që do të kryhet më 22 maj.
Gjatë takimit në Lezhë, një prej të pranishmëve i kujtoi Berishës momentin ku u rrëzua në Kuvendin Kombëtar të 30 prillit, teksa po ngjitej në podium.
Mënyra se si mbështetësi i Berishës e trajtoi situatën ka shkaktuar të qeshura jo vetëm në sallë por edhe te ish-Kryeministri dhe drejtoresha e komunikimit, Floriana Garo.
“Atë ditë, më je dhimbtur që je rrëzuar por i ka fajet shoqëruesi. Edhe me qenë 30 vjec, i ka fajet shoqëruesi. Të mos e bëjë më atë gafë, të përshëndes”, tha mbështetësi i ish kryeministrit.
