Komisioni i Organizimit dhe Kontrollit të Operacioneve Elektorale, ka bërë të ditur masat që ka marrë lidhur me zgjedhjet e 22 majit, kur anëtarësia e PD përmes parimit “një anëtar, një votë” do të zgjedhë kryetarin e kësaj partie.
Në garën për kreun e PD janë Sali Berisha dhe Ibsen Elezi.
Komisioni njofton se për herë të parë janë akomoduar të gjitha kërkesat e ardhura në Komision nga Kandidatët të cilëve ju është siguruar:
– ambient punë brenda selisë së Partisë Demokratike, si dhe në selitë e degëve nëse do e kenë të nëvojshme;
– infrastruktura e nevojshme zgjedhore;
– akses në listën dixhitale të data base të anëtarësisë së Partisë Demokratike, (pasi të dy kandidatët kanë firmosur deklaratën që zotohen për mbrojtjen e të dhënave personale të anëtarësisë);
– akses në listën e kontakteve kryetarëve të të gjitha degëve të Partisë Demorkatike.
Meqenëse deri më sot, vetëm z. Berisha ka paraqitur pranë Komisionit një kalendar takimesh në ditët në vijim; Komisioni kërkoi edhe një herë nga të dy përfaqësuesit të kandidatëve të paraqesin sa më parë një kalendar të plotë takimesh në mënyrë që të bëhen rakordimet dhe njoftimet e duhura në degët përkatëse.
Në lidhje me kërkesën e paraqitur edhe mediatikisht ana e Ibsen Elezi, për shtyrjen me dy javë të datës së zgjedhjeve, Komisioni bën me dije se data e zgjedhjeve për Kryetar të PD është miratuar me Vendim Nr. 2 të Kuvendit Kombëtar të PD datë 30 prill 2022.
