“Raportet e mia me SHBA-të, janë perfekte”– kështu u shpreh Meta teksa u pyet mbi marrëdhëniet të cilat aktualisht duket sikur janë në një gjendje jo të mirë ku diplomatë të ndryshëm amerikanë nuk e kanë takuar pas vizitave të tyre zyrtare në Shqipëri.
Ai u shpreh se nuk kishte asnjë problem me SHBA-të, por se persona të tjerë po bënin spekulime në emër të Amerikës.
Meta: Nuk ka një politikan më korrekt në Shqipëri sesa Ilir Meta në raport me ndërkombëtarët sepse kam qenë gjithmonë shumë i qartë. Unë kam thënë shoh një plan për ta lënë vendin pa gjykatë Kushtetuese. Në asnjë mënyrë më thonin. Ndërsa Shqipëria ndenji 4 vite pa gjykatë Kushtetuese.
Pyetje: Mafia e diplomatëve të huaj në Tiranë
Meta: Tani kemi shqiptarë me integritet, kemi edhe pa integritet. Po ashtu kemi edhe italianë edhe amerikanë edhe gjermanë. Mund të siguroj se çdo qytetar të Shqipërisë se marrëdhëniet e mia me SHBA-të janë perfekte.
Retorika ime nuk ka qenë e ashpër ndaj SHBA. Ata na kanë ndihmuar por kjo nuk do të thotë të ç’bëjmë shtetin ne tani. Janë të tjerë ata që spekulojnë në emër të Amerikës.
