Konferenca e Kryetarëve u mblodh sot në një takim pothuajse formal ku u diskutua mbi nisjen e procesit të zgjedhjes së Presidentit të ri, ndërsa u caktua 16 maji si data për zhvillimin e raundit të parë të votimit.
Ajo që tvrhoqi vëmendjen ishte fakti se Taulant Balla, kreu i Grupit Parlamentar socialist, thjesht propozoi datën e cila më pas u miratua, ndërsa nuk u përfshi në asnjë nga diskutimet e zhvilluara. Nga socialistët foli Elisa Spiropali, Klotilda Bushka apo Eduart Shalsi, ndërsa Balla shfaqej herë duke buzëqeshur dhe herë duke vizatuar.
Balla shihet në një sjellje të pazakontë. Duket qartë që Balla nuk e ka aspak mendjen se çfarë thonë kolegët për zgjedhjen e presidentit të ri, e ndoshta me shumë mundësi ai e di kush do të vendoset në krye.
Thjesht në mbledhjen e sotme, Balla ishte prezent sa për të propozuar datën dhe ndoshta me mendjen e tij ka qeshur kur dëgjonte propozimet e Enkelejd Alibeajt apo Agron Gjekmarkajt, që ende shpresojnë në një proces negocimi me socialistët, pavarësisht se nuk kanë asnjë mandat për të negociuar.
