Kolumbia ka ekstraduar në SHBA liderin e baronit të drogës, të bandës më të madhe të krimit në vend, ka njoftuar presidenti i Kolumbisë.
Presidenti Iván Duque tha se Dairo Antonio Úsuga, i njohur më mirë si Otoniel, ishte trafikanti më i rrezikshëm në botë. Kapja e tij në tetor i dha fund një gjuetie shtatëvjeçare dhe muajin e kaluar Gjykata e Lartë e Kolumbisë miratoi ekstradimin.
Klani i Gjirit trafikonte nga 180 dhe 200 ton kokainë në vit, sipas autoriteteve kolumbiane.
Duke shpallur ekstradimin, Duque e krahasoi Otoniel me bosin famëkeq kolumbian të drogës Pablo Escobar. “Ky ekstradim tregon se askush nuk është mbi shtetin kolumbian,” tha ai në një video-mesazh, duke akuzuar Otoniel për vrasjen e drejtuesve të shoqërisë civile dhe oficerëve të policisë.
Para kapjes së tij, Otoniel ishte njeriu më i kërkuar i Kolumbisë dhe qeveria kishte ofruar një shpërblim 800,000 dollarë për informacion rreth vendndodhjes së tij, ndërsa SHBA kishte vendosur një shpërblim prej 5 milionë dollarësh për kokën e tij.
Beteja e Kolumbisë me trafikantët e kokainës
Klani i Gjirit operon në shumë provinca dhe ka lidhje të gjera ndërkombëtare, është i angazhuar në kontrabandën e drogës dhe njerëzve, nxjerrjen e paligjshme të arit dhe zhvatjen.
Besohet se ka rreth 1800 anëtarë të armatosur, të cilët janë rekrutuar kryesisht nga grupet paraushtarake të ekstremit të djathtë. Anëtarët janë arrestuar në Argjentinë, Brazil, Honduras, Peru dhe Spanjë.
Banda kontrollon shumë nga rrugët e përdorura për kontrabandën e drogës nga Kolumbia në SHBA dhe deri në Rusi. Autoritetet në SHBA e kanë përshkruar atë si “të armatosur rëndë dhe jashtëzakonisht të dhunshëm”.
Otoniel përfundimisht u kap në vendstrehimin e tij në provincën Antioquia në Kolumbinë veri-perëndimore në tetor, afër kufirit me Panamanë në një operacion që përfshin 500 ushtarë të mbështetur nga 22 helikopterë.