Agjensia e Mbikqyrjes Policore (ish-SHÇBA) ka nisur hetimet lidhur me ngjarjen e rëndë të ndodhur në mjediset e Komisariatit të Policisë së Kavajës, ku një 31 vjeçar, i ndaluar rreth orës 14:00 të ditës së sotme, u vetëvra në orën 19:00 të pasdites.
Viktima e identifikuar si Ilvi Meta ishte ndaluar si i dyshuar për vjedhje, ndërsa 5 orë pas ndalimit u gjet në qeli i vetëvarur.
Nga raportimet mësohet se drejtuesit më të lartë të Policisë së Tiranës kanë udhëtuar drejt Kavajës, ndërkohë që kanë nisur hetimet lidhur me ngjarjen.
Mësohet se AMP po merr në pyetje disa nga oficerët e policisë që kanë qenë me shërbim në Komisariat, por edhe të tjerë që kanë futur në dhomat e izolimit 28-vjeçarin, ndoshta pa respektuar rregullat.
