Kreu i grupit parlamentar të PS-së, Taulant Balla tha se Shqipëria do të marrë masa për ndalimin e turistëve rusë siç kërkoi Zelensky, nëse ky sanksion pranohet nga vendet e BE.
A do të bllokojë turistët rusë, siç e kërkoi presidenti Zelensky sot në videomesazh?
“Nëse ky sanksion konsiderohet nga vendet europiane Shqipëria do të marrë hapa”, u përgjigj Taulant Balla, në një prononcim për gazetarët pas seancës së sotme plenare.
I pyetur për deklaratat e ish-kryeministrit Sali Berisha, i cili kërkoi ndërprerjen e marrëdhënieve diplomatike me Rusinë, Balla tha se “Berisha nuk ekziston për ne”.
“As nuk komentojmë as i japim vlerë tullumbaceve që lëshon Sali Berisha. Saliu për shkak të moshës që ka mbush tullumbacet dhe i lëshon”, shtoi ai.
