“Në Shqipëri s’ka as media të intimiduar, as gazetarë të penguar në lirinë e tyre”.
Kështu deklaron kryeministri Edi Rama në një reagim mbushur me propagandë në Twitter, pas raportit të ri të organizatës ‘Reporterët Pa kufij’ për lirinë e medias, ku vendi Shqipëria renditet në vendin e 103, 20 më poshtë se në raportin e kaluar.
“Madje në Shqipëri ka gjithnjë e më shumë viktima të shpifjeve, gënjeshtrave e lajmeve të rreme! Flitet për gjyqe me gazetarë, kur në fakt s’ka! Flitet për ligjin antishpifje kur në fakt s’ekziston!”, shkruan Rama.
Më tej, ai pretendon se gazetarët nuk janë viktima të dhunës policore apo pëballen me sulme politike, edhe pse raste të tilla raportohen në mënyrë periodike.
“Gazetarët viktima të dhunës policore në Shqipëri? Çfarë gënjeshtre! Gazetarët kritikë ndaj qeverisë përballen me sulme politike? Çfarë fantazie! Vetërregullim etik në median shqiptare? Çfarë talljeje! Vetëm titulli mungon:Ankesa për mungesën e lirisë ngaqë s’dimë ç’të bëjmë me lirinë! E di që edhe ky opinion i imi do klasifikohet si sulm, presion, agresion kundër mediave, por e kam të pamundur të hesht kur shoh se si tallen disa me lirinë e fjalës dhe se si liria e shtypit bëhet liri e shtypjes, duke shkelur mbi faktet, njerëzit dhe vendin,në emër të saj”, shkruan Rama.
LEXO EDHE:
Liria e medias/ Gazetarët Pa Kufij: Shqipëria pëson rënie me 20 vende
