Detaje të reja kanë dalë në dritë në lidhje me ngjarjen e ndodhur në Korcë, ku një fëmijë është gjetur pa shenja të jetës në një valixhe.
Nëna e bebes dyshohet se vuan nga probleme të shëndetit mendor. Nëna e shoqëruar nga policia është dërguar në Urgjencën e Spitalit, ku po merret në pyetje, raporton Faxweb.
Ajo po pyetet për të mësuar më shumë rreth ngjarjes shokuese që ndodhi sot në Korcë. Nëna e foshnjës ka qenë vazhdimisht nën kontrollin e mjekëve të Qendrës të Shëndetit Mendor.
Madje, ajo është edhe e kartelizuar pranë Qendrës të Shëndetit Mendor. Nëna nuk ka pranuar të marrë mjekim nga mjekët.
Sot, bashkëshorti i gruas ka gjetur në dollap foshnjën pa jetë. Nuk dihet sesi bebja ka përfunduar aty. Cifti kanë një djalë më të rritur, që po ashtu dyshohet se ka probleme.
