Një aksident i rëndë ka ndodhur mesditën e djeshme në aksin rrugor Lezhë – Shëngjin, në afërsi të Knallës. Si pasojë e këtij aksidentit ka humbur jetën drejtuesi i mjetit, Armando Pacani, vetëm 19 vjeç.
Ndërkaq është bërë publike edhe fotoja e të riut, që gjeti vdekjen në aksidentin tragjik.
Mësohet se ai ishte nxënës i shkollës profesionale “Kolin Gjoka”.
Shkolla ka ndarë edhe një mesazh mesazh prekës per te riun qe humbi jetën në mënyrë tragjike.
Mesazhi i shkollës:
Jemi thellësisht të pikëlluar nga lajmi për humbjen e nxënësit të vitit të tretë të shkollës tonë, Armando Pacani.
Shokët, shoqet dhe stafi pedagogjik i shkollës nuk do të harrojnë kurrë, Armando.
Ishe një djalë shumë i edukuar, shumë punëtor dhe mik i të gjithëve, por ky aksident i mallkuar të ndau nga familja, të afërmit, miqtë, shokët dhe shoqet.
Shpirti jot pushoftë në paqe Armando!
Zoti i forcoftë prindërit, vëllain dhe të gjithë të afërmit!
Jemi pa fjalë!
