Vllaznia ka arritur një fitore të rëndësishme në garën për Europë duke mundur me shifrat 1-0 Skënderbeun në “Loro Boriçi” ne javën e 31-të të “Abissnet Superiore”.
Pjesa e parë u dominua nga korçarët, të cilët krijuan disa raste, por u mungonte finalizimi. Në fundin e pjesës së parë gjithashtu pati një rast të dyshimtë për 11-metërsh për Vllazninë, por gjyqtari nuk e pa të tillë.
Pjesa e dytë nisi me një gol nga ana e shkodranëve, që rezultoi të ishte i vetmi deri në fund. Gjërat shkuan akoma dhe më keq për korçarët, të cilët ngelën me 10 lojtarë, pas daljes me karton të kuq nga Dumfur.
Në sfidën tjetër, Kastrioti ka mposhtur 3-1 me përmbysje Egnatian. Skuadra krutane me këtë sukses të radhës siguron që nuk do të rrezikojë më për mbijetesën e përveç të tjerave, i afrohet ndjeshëm zonës së Europës, duke qenë tashmë vetëm 3 pikë larg vendit të tretë në renditje.
