Dy ditë nga mbledhja e Kuvendit të 30 prillit, deputeti i PD-së, Gazmend Bardhi i bën thirrje Sali Berishës të reflektojë dhe të heqë dorë nga rruga që sipas tij, po çon në çarjen përfundimtare të PD-së.
“Uroj që cilido të kapërcejë veten dhe të mendojë interesin e demokratëve. Deri tani kemi parë akte që kanë përçarë PD-në duke ecur në rrugë të njëanshme. Kjo nuk është zgjidhje për PD-në, forcimin e interesin e demokratëve por zgjidhje për interesin personal të Berishës që bie ndesh me interesin e demokratëve”, tha Bardhi në një prononcim për gazetarët jashtë vendit.
“Uroj shumë që të ketë reflektim dhe vlerësim realist të situatës dhe të hiqet dorë nga rruga që po çon në çarjen përfudimtare të PD-së”, shtoi ai.
