Kryeministri Rama tha se me mbylljen e sporteleve më 30 prill dhe me marrjen e shërbimeve online nga 1 Maji 2022, brenda vitit të ardhshëm do të ketë një asistent digjital në shërbim të qytetarëve.
“Kemi filluar projektin tjetër për të pasur brenda vitit të ardhshëm asistentin me zë po këtu, siç është Siri që besoj e dini. Kështu do të jetë asistenti digjital i çdo qytetari. Për tu interesuar, për të marrë përgjigje për një shërbim të caktuar, për mënyrën se si merret do ta ketë këtu në telefon asistentin me zë. Nga shtëpia do t’i kërkojë përgjigje për gjithë gamën që lidhet me shërbimet me dokumente”, tha Rama këtë të Mërkurë.
Rama tha se do të ketë dhe penalitete për të gjithë njerëzit që do jenë shkaktarë për vonesa, pro nuk pranoi t’i bënte të ditura ditën e sotme. Sipas tij, me këtë sistem ka mundësi që marrëdhënia me s qytetarëve dhe shtetit të kalojë në një nivel tjetër.
