Lorenc Vangjeli thotë se ka sinjale që drejtësia po bën detyrën, për sa kohë në administratën publike kanë filluar të kenë frikë të hedhin firma.
I ftuar në emisionin “Të Paekspozuarit” në MCN TV, Vangjeli tha se ka një ndryshim të madh nga 10 vite më parë kur kryeministri pengonte drejtësisë.
“Jo më larg se 10 vjet më parë kishim kryeministër që i mbante për veshi njerëzit që duhet të shkonin para drejtësisë, i mbante në kryeministri. Kemi një kryeministër tjetër që thotë se do të kapë mëkatarët për veshi dhe do t’i çojë në SPAK.
Problemi ka qenë që mëkatarët ose kanë patur pushtet politik, ose pushteti ka ndikuar. Se çfarë janë socialistët, këtë e ndan drejtësia.
Ata që kanë bërë mëkate rrinë shumë më tepër pa gjumë. Sot po të shohësh në administratë, po kthehet në të kundërtën, në frikën për të vënë firma. Shkopi ka filluar të duket”, tha ndër të tjera Vangjeli.
